خاص موقع صدى طرابلس و كل لبنان
#
متل ما قلنا سابقا الفساد معشش بيناتنا وأكثرية اللبنانيين فاسدين والفساد لا يقتصر على السياسيين فحسب !
أصحاب المولدات مرة جديدة عم يثبتوا جدارتهن بفنون النصب والاحتيال والسطو على أموال الناس عبر المؤامرات والاتفاقات اللي بيحيكوها مع بعضهن لإعلاء مصالحهن الخاصة وتربحهن غير الشرعي المتأتي من خلال زيادة آلام الناس والتضييق عليهم.
ونحن ع ابواب الشهر الكريم رمضان، ارتأى أصحاب الاشتراكات تقنين الكهربا ورفع سعر الامبير، مستغلين حاجة الناس بكل سفاهة رغم انهم مخزنين المازوت بعشرات الاف الليترات صاروا الناس مجبورين يدفعوا اشتراكات بأسعار خيالية لانو اصحاب المولدات ما عم تكفيهن الملايين اللي عم يطلعوها بدهن يصمدوا شوية مصاري لياخدوها معهن عالقبر !
في ناس كتير عم تسأل وين المحافظ و البلدية ؟ الجواب واضح: غياب البلدية والمحافظ طبيعي، لانو أكيد رئيسها الو حصة مع اصحاب المولدات متل العادة ما في مشروع الا والو اسهم فيه…لذلك لن يقوم السارق بسرقة نصف المال ان كان باستطاعته سرقة المال كله !
وللحديث تتمة…
